Зачленете се во нашиот клуб на читатели и најновите текстови ќе ги добивате на вашата мејл адреса
Четворица кумановци се на листата за заменици - министри во Владата што попладнево премиерот Зоран Заев ја достави до Собранието.
За заменик министер во Министерството за финансии е предложен Димитар Ковачевски. Ковачевски својата кариера ја започна во Македонски телеком каде беше на повеќе раководни позиции, а во 2016 година е назначен за извршен директор на ОНЕ.ВИП. Ковачевски е вонреден професор на Универзитет Американ Колеџ Скопје, шеф на катедра за маркетинг.
Зоран Маневски е заменик на министерот кој раководи со Министерството за економија. Маневски е дипломиран економист, кадар на НСДП, во предходната Влада беше државен секретар во Министерството за транспорт и врски.
Досегашниот министер за земјоделие Трајан Димковски останува во ова министерство и ќе продолжи да работи како заменик- министер. Димковски е дипломиран инженер по земјоделство со специјалност закројување.
Илир Хасани ќе биде заменик министер за здравство, а во моментот е директор на Ургентен центар Скопје.
Собранието ќе ги гласа замениците-министри на седницата закажана за вторник, 22 септември.
Зачленете се во нашиот клуб на читатели и најновите текстови ќе ги добивате на вашата мејл адреса
