Црковен одбор брка жена на улица

12.07.2010 13:17 | KumanovoNews

 Убавка Митровска (52) од селото Добрешане која со години наназад живее во распаднатите црковна просторија во „Св.Ѓорѓија„ во селото Доброшане, мора да излезе на улица бидејќи тоа го бара црковниот одбор.

Црковен одбор брка жена на улица

 Таа вели дека нема каде да се исели, бидејќи е болна и без работа и затоа бара од надлежните институции  да и помогнат во решавање на стамбениот проблем.

Барам надлежните да дојдат и да се уверат каде живеам. Се наоѓам во безизлезна ситуација, на чекор до улицата, а сакам и јас да живеам како секој човек. Не земам социјална помош подолго од пет месеци и немам денар пари. Немам за леб, ниту за најнеопходните потреби за живеење. Просториите каде што живеам сега почнаа па се распаѓаат, а три пати до сега ми се сруши кровот врз мојата глава. Постојано сум под притисок и стрес дека истото може да се повтори. Болна сум, а од глад постојано ми се врти и паѓам. Проблемот ми стана уште поголем откако одборот во црквата ме брка, а јас немам каде да одам - рече видно вознемирена и загрижена Митровска.

 Таа ги повикува сите добри луѓе кои имаат начин да и помогнат, за да не заврши на улица како бездомник.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk