ЦУК:Претпазливо движење покрај реките и суводолиците денеска и утре

Во повеќе делови од земјата, како резултат на врнежите во изминатиот период и топењето на снегот, земјата е заситена со влага и се очекува брза реакција на помалите реки и суводилици низ земјава каде на места се можни локални излевања со посебно внимание на југоисточните делови и струмичкиот регион, предупредуваат од Центарот за управување со кризи (ЦУК).

„И кај поголемите реки се очекува зголемување на водостојот а пред се на водотеците во западниот дел на земјата каде во сливот на реките Радика, Сатеска, Треска и горниот дел од сливот на Вардар се очекуваат значително високи водостои. Исто така, поради можноста од појава на поројни, интензивни врнежи, придружувани со засилен јужен ветер, можни се локални проблеми кај дел од градските урбани населени места каде би се појавиле ваков тип на врнежи. Предупредуваме на претпазливо движење покрај реките и суводолиците во текот на денешниот и утрешниот ден“, велат од ЦУК.