Дизелот поевтинува за 3 денари, цената на бензините останува иста

Малопродажната цена на „евродизелот (Д-Е V)“ се намалува 3,00 денари/л, а малопродажната цена на екстра-лесното масло за домаќинство (ЕЛ-1) се намалува 1,50 денар/л, соопштува Регулаторната комисија за енергетика и водни услуги.

Малопродажната цена на мазутот М-1 НС се намалува 1,082 денар/кг и сега ќе изнесува 50,391 денари/кг.

Малопродажните цени на бензините „евросупер БС-95“ и „евросупер БС-98“ не се менуваат.

Од вечерва, максималните цени на нафтените деривати ќе изнесуваат:

Моторен бензин „евросупер БС-95“ – 84,50 (денари/литар)

Моторен бензин „евросупер БС-98“ – 87,00 (денари/литар)

Дизел-гориво „евродизел БС (Д-Е V)“ – 92,00 (денара/литар)

Масло за горење екстра-лесно 1 (ЕЛ-1)“ – 89,00 (денари/литар)

Мазут М-1 НС – 50,391 (денари/килограм)