До крајот на неделава се очекува да се ажурира апликацијата „Мој ДДВ“, велат од УЈП

„Тимот на УЈП, целосно е ангажиран, со цел во најкраток рок да се заврши овој процес на прилагодување на апликацијата. Вчера и денеска, беа направени дополнителни прилагодувања,  очекуваме, веќе до крајот на неделата да се заврши процесот, по што ќе ги информираме корисниците од кога повторно ќе можат да користат напреден начин на скенирање. Благодариме на разбирањето за процесот на прилагодување и додека времено се користи овој основен начин на скенирање, кој е базиран на можностите на телефонот и не е доволен за сите граѓани да можат брзо и ефикасно да ги скенираат бар кодовите од фискалните сметки“, велат во УЈП.

Тие додаваат дека дополнителната надградба на софтверот се парави за да се овозможи напреден начин на скенирање, со што ќе се изедначат можностите на сите граѓани, без разлика каков телефон поседуваат.

Додека трае ажурирањето и прилагодувањето граѓаните за да ги скенираат фискалните сметки, потребно е во мобилната апликација во делот ,,ПРОФИЛ“ во прозорчето ,,Тип на баркод скенер“  каде што сега стои ,,Напреден“ да ја изберат опцијата ,,Основен“. Фискалните сметки кои не може да се скенираат преку опцијата ,,Основен“ може да се скенираат на киосците и бар код читачите што се поставени во просториите на Управата за јавни приходи. 

Од УЈП информираат дека во август на граѓаните ќе им бидат исплатени средства од МојДДВ.