Доцевска-Божиновска најави реонски пазари и катна гаража кај ЗИК

09.10.2021 19:31 | Сузана Николиќ

Носителката на листата на кандидати за советници на коалицијата предводена од ВМРО-ДПМНЕ, Елена Доцевска- Божиновска денеска најави модернизација на градскиот и реонскиот пазар лоциран на булеварот „Октомвриска револуција“, како и изградба на два нови реонски пазари и катна гаража кај поранешен ЗИК.

 

Доцевска-Божиновска најави реонски пазари и катна гаража кај ЗИК

„Многу наши сограѓани не ги посетуваат пазарите затоа што не е решено паркирањето, односно нема соодветен паркинг простор. Поради тоа најавуваме изградба на катна гаража спроти градскиот пазар, на локација на поранешен ЗИК, а по предходна дислокација на училиштето од импровизирано во новоизградено училиште. Најавуваме решение за сите горливи прашања и проблеми што ги имаат закупците на тезгите, пред се ревизија и воведување на ред во договорите за закуп. Создавање на услови за работа во зимскиот и летен период, како и одржување на хигиена на градскиот пазар“, кажа Доцевска-Божиновска.

Таа најви и изградба на два нови реонски пазари во населбите „Гоце Делчев“ и „Карпош“, со модерни и практични решенија за пристап и паркинг.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk