Дождот го расипа протестот на матурантите

Учениците тргнаа од пред Гимназијата “Гоце Делчев“, стигнаа до Градскиот плоштад, и откако почна да врне се разотидоа.Нивните барања не ги слушнаа надлежните од образованието.

 Тие уште еднаш повторија дека се незадоволни затоа што надлежните од Министерството за образование, не го прифаќаат  нивното барање да се укине математиката како задолжителен предмет за полагање на екстерно тестирање.

 Отсекогаш не учеа дека иднината нам ни останува, а кога ние го кренавме гласот, кога сакавме да ја земеме иднината во наши раце, тогаш не етикетираа како корумпирани бандити. Се собравме тука за да им порачаме на позицијата и опозицијата да не не мешаат во нивните политички сплетки. Ние сме средношколци, не партиски пиуни,- рече Маркус Крстев од  Гимназија „Гоце Делчев“.

 Матурантите најавуваат нови протести за наредните денови.Кумановските матуранти, први во државата ги почнаа протестите при крајот на февруари и ја бојкотираа наставата 4 дена, а подршка добија и од остатанатите ученици.