Двеста кумановци се хранат во народна кујна

Храната се дели на три пункта во градот и тоа во ученичкиот дом “Професор Мијаковиќ“ каде се подготвуваат јадењата, на булевар „Октомвриска револуција„ кај зеленото пазарче и во месна заедница кај кумановската џамија. Секој работен ден овие луѓе добиваат топол оброк, а за викенд добиваат пакет со сува храна. Народната кујна постои веќе неколку години за да обезбеди храна за бездомниците и социјалните случаеви.  

 Задоволни сме од храната, бидејќи убаво е зготвена и разновидна е, а и доволно е човек убаво да се најаде. Да не јадеме тука, ќе собиравме по кантите и контејнерите- вели жител од Средорек, кој зема храна за целото семејство.

Покрај во Куманово, народна кујна има и во Општината Старо Нагоричене, од која храна добиваат дваесетина семејства.