Еколошката акција „Генералка викенд“ во петок во Куманово

Акцијата ќе започне во 10 часот, а организаторите ги повикуваат граѓаните масовно да се вклучат во чистењето на јавните површини во градот.

„Претставници од Одделението за животна средина при Општина Куманово, во соработка со организацијата ‘Man and Mountain LLC’ од Австрија и со поддршка од ЈП ‘Чистота и зеленило’ – Куманово, упатуваат покана до граѓанските здруженија, невладините организации, општинските основни и средни училишта, како и институциите, да учествуваат во акцијата, со цел да придонесат за почиста и поздрава животна средина“, се наведува во соопштението од Општина Куманово.

Акцијата се организира по шести пат и ќе се реализира во повеќе општини низ земјава.