×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Фестивалот „Кокино – Тврдина на сонцето“ со тридневна музичка програма

    16.09.2021 06:15 | Сара Ѓорѓиоска

    На локација кај мегалитската опсерваторија Кокино, утре во 16.30 часот, ќе започне тридневната мултимедијалната културна манифестација „Кокино – Тврдина на сонцето“. 

    Фестивалот „Кокино – Тврдина на сонцето“ со тридневна музичка програма

    Во петок, сабота и недела на отворено ќе се одржат 20 настапи на повеќе реномирани уметници од македонската сцена.

    Посетителите ќе можат да ги проследат настапите на: „Љубојна“, Дина Јашари, Тони Китановски, „Фулиш грин“, Драган и Ратко Даутовски, „Перија“, Сашо Гигов Гиш, „Сетстат“, „Летечки Пекинезери“, Џенгиз Ибрахим, „Чалгија Саунд Систем“, „21 Век“, „Тока Шитет“, Јон Ајди, Горан Кан, Флудер и Чарли и др.

    Концертите во сабота и недела ќе започнуваа напладне во 12 часот и на зајдисонце во 19 часот. 

    На програмата се и театарски изведби, кино-проекции, стрип-изложби, изложба на ракотворби и уште многу други креативни активности.

    Влезот е бесплатен, а дневните билети за организираниот автобуски превоз од Куманово и Скопје чинат симболични 50 денари, колку што чини и дневната пропусница за влез со сопствен автомобил во организираниот паркинг-простор.

    Фестивалот ќе биде оддржан во согласност со сите здравствени протоколи и заштитни мерки.

    Проектот е поддржан од Владата во рамки на јубилејот „Триесет години независност“.