Зачленете се во нашиот клуб на читатели и најновите текстови ќе ги добивате на вашата мејл адреса
Мерката „гарантирани цени“ за дел од прехрамбените производи, безалкохолните пијалоци и пивото останува да важи до 31 јануари 2024 година. Одлуката е донесена на владина седница на барање на Министерството за економија.
Одлуката е донесена во интерес на потрошувачите, поради претстојните новогодишни и божиќни празници.
„Станува збор за белиот ориз, пченично брашно - тип 400 и 500, бел и полубел леб и одделни пекарски производи, одредени видови бисквити, наполитанки, тестенини, месо и производи од месо, јогурт и млечни производи и свежи јајца од кокошка. Остануваат замрзнати и претходно утврдените цени на минералната негазирана и газирана вода, одредени видови негазирани и газирани пијалаци и пиво“, стои во одлуката на Владата на РС Македонија.
Мерката „гарантирана цена“ беше донесена во септември годинава, а важи за повеќе категории на прехранбени производи кои се продаваат по цени за 10 отсто пониски од оние што овие производи ги имале на 1 август оваа година.
Преходно, министерот за економија Крешник Бектеши најави дека замрзнатите цени на дел од основните производи ќе се применуваат додека Собранието не го изгласа предлог-законот за нефер трговски практики кој минатата недела беше усвоен од Владата.
Зачленете се во нашиот клуб на читатели и најновите текстови ќе ги добивате на вашата мејл адреса
