Зачленете се во нашиот клуб на читатели и најновите текстови ќе ги добивате на вашата мејл адреса
Изложба на фотографии од старо Куманово, поетско читање и стенд-ап, се само дел од содржините на мултимедијалниот настан „Гласна култура“, кој вечерва со почеток во 18 часот ќе се одржи во Занаетчискиот дом во Куманово.
Организатор е движењето за социјална правда Ленка, а замислен е како иницијатива на која ќе се претстават повеќе млади уметници од државата.
„Повеќе од 20 слики од старо Куманово се позајмени од државниот Архив и од Музеј Куманово, слики кои го прикажуваат животот во градот некогаш и од кои може да се реконструира животот во градот низ историјата. Нешто подоцна ќе имаме поетско читање на млади автори од Куманово, Скопје и Велес, а модератор ќе биде истакнатиот актер и поет Игор Трпчески-Трпче“, истакна волонтер на „Ленка“, Виторио Зафировски.
Во програмата е предвиден стенд-ап настап на Мирослав Петковиќ, кој премиерно ќе го изведе своето најново шоу „Фрустрација 1312“, пропратен со „Кабаре Кабает“ кој во вид на пародија, на хумористично-сатиричен начин преработува автентични музички композиции.
По 21 часот ќе настапи еден кумановски метал бенд, за да вечерта заврши со ДиЏеј настап на млад автор од Велес, програма за која организаторите веруваат дека ќе го задржи вниманието на младата публика.
Влезот е слободен за сите заинтересирани граѓани на Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
