Градоначалникот кум на црквата Св. Архангел

Јас сум овде дел од црковниот одбор, и правиме напори оваа година да се интензивира работата, и до крајот на годината на црквата да бидат завршени градежните работи, по што ќе се продолжи со внатрешно уредување. Приватно помагам и учествувам и како донатор во изградба на црквата. Од таа причина, и како верник чија слава е Свети Ранѓел, го презедов годинешново кумство-изјави градоначалникот Дамјановски.

На Дамјановски кумството му го предаде досегашниот кум Методија Манојловски, по свечената литургија што ја одржаа свештениците, пред голем број на верници од населбата и градот.

Од црковниот одбор информираат дека од ктитори имаат соберено 35 илјади евра и го чекаат проектот на изведувачот за да продолжат со подигање на куполите.

Сретствата ги обезбеди градоначалникот кој даде 15.000 евра, сопственикот на ДБД 10 илјади евра и владиката Кирил 10 илјади евра. Со тие пари по 2 август ќе започнеме да работиме и се надеваме дека во нередните два месеци, до Свети Ранѓел есенски ќе ги завршиме работите и ќе славиме- вели Радивоја Петровски, член на црковниот одбор.

Тој ги повичува и сите граѓани и добри луѓе, кои сакаат да помогнат во изградбата на црквата да дадат свој допринос и да се јават во месната заедница и црковниот одбор.