Зачленете се во нашиот клуб на читатели и најновите текстови ќе ги добивате на вашата мејл адреса
Во дворот на средното училиште “Киро Бурназ“ денеска традиционално градоначалникот Зоран Дамјановски закорјуваше лозје по повод денешниот празник Свети Трифун.
Денеска го чествуваме великомаченикот Свети Трифун, чувар на лозарите и винарите. Овдека имаме 600 ученици, млада популација која денеска го слави другиот празник кој е популарен во поново време во Република Македонија. Се надевам дека овој чин на некој начин ја оддржува традицијата и дава мотив на луѓето да ја унапредуваат оваа гранка, лозарството - рече Дамјановски.
Тој им посака успех на сите винари и лозари во кумановскиот регион.
Ова почна минатите години поточно откако го имаме лозовиот насад и постепено прерасна во традиција. Овде доаѓаат наши пријатели, соработници, а особено градоначалникот и Советот на Општина Куманово кои се покровители на оваа манифестација - вели директорката Весна Трајковска.
Трајковска на винарите го честиташе Свети Трифун, а на заљубените Свети Валентин.
Зачленете се во нашиот клуб на читатели и најновите текстови ќе ги добивате на вашата мејл адреса
