Инспекцијата решена да ги тргне тезгите во Средорек

Како непослушни граѓани ќе си ги сносат проследиците. Пазарната инспекција ќе ја собира стоката, а комуналната инспекција заедно со јавите претпријатија “Водовод“ и “Чистота и зеленило“ ќе им ги собираат тезгите. Тоа се две - три тезги, меѓутоа треба да се отстранат и треба да се почитува законот. Дефинитивно решение мора да се најде и секако стоиме на таа позиција - вели Вера Лазаревска, раководител на сектор за инспекциски надзор во општина Куманово.

Казните со кои можат да се соочат дивите продавачи се движат од 50 до 200 евра и одземање на стоката која ја продаваат.

Инспекциските служби од почетокот на месецот ги расчистиа нелегално поставените тезги кај Зелениот пазар и кај спортската сала. Тоа наиде на позитивни критики кај граѓаните кои сметаат дека овој пат треба да се оптои на одлуката заради почист и поуреден град.