Зачленете се во нашиот клуб на читатели и најновите текстови ќе ги добивате на вашата мејл адреса
Куманово утринава осамна со интензивни врнежи на снег. Снегот не престана да паѓа цело предпладне и снежната покривка е над 10 сантиметри.
Утрово врнежи има во целава земја и речиси насекаде се од снег, а дожд врне само во крајните јужни делови. На повисоките места дува слаб до умерен северен ветер.
Времето денска ќе биде облачно со врнежи од снег, а само во долниот тек на Повардарието ќе бидат од дожд и снег. На повеќе места количината на наврнет воден талог ќе биде над 25 л/м2, а најмногу врнежи ќе има во јужните делови. Снежна покривка ќе се формира речиси во целава земја, на пониските места и над 10 см, во Пелагонија околу 20 см, а на планините и повеќе. Ќе дува слаб до умерен ветер од североисточен правец.
Максималната температура ќе биде во интервал од 0 до 5 степени.