Зачленете се во нашиот клуб на читатели и најновите текстови ќе ги добивате на вашата мејл адреса
Стручните екипи од Музеј Куманово, под координација на Управата за заштита на културното наследство, работат на ископувањата на локалитетот Градиште во близина на селото Младо Нагоричане.
На повеќеслојното наоѓалиште се откриени делови од градби, меѓу кои особено се значајни остатоците од градбата кои најверојатно припаѓале на луксузна резиденција или палата, која датира од 3 до 4 век пред нашата ера, и чии ѕидови биле премачкани со боен малтер. Пронајдени се и богата декоративна камена пластика и капител од јонски столбови.
Поради значајните наоди, археолозите претпоставуваат дека се работи за палата на локален пајонски владетел. Според некои истражувачи, населбата најверојатно страдала во налетот на келтските племиња во 280/279 година пред нашата ера, по што била обновена.
Ископувањата се поддржани од Министерството за култура.
Зачленете се во нашиот клуб на читатели и најновите текстови ќе ги добивате на вашата мејл адреса
