Зачленете се во нашиот клуб на читатели и најновите текстови ќе ги добивате на вашата мејл адреса
На Железничката станица во Куманово синоќа се запалиле 15 дрвени прагови од пругата, поради што интервенирале пожарникари на Територијалната противпожарна единица Куманово.
„Со едно возило и четири пожарникари е интервенирано од 19.35 до 20.35 часот на Железничката станица во Куманово. Изгаснати се 15 дрвени прагови, кои биле отстранети од пругата и се неупотребливи. Направена е материјална штета“, истакна командирот Деан Илиевски.
Железничкиот товарен сообраќај не бил во прекин, информираат од Македонски железници- инфраструктура.
Од ЈП ЖРСМ Инфраструктура велат дека изгореле триесетина прагови.
И во 2019 година беа запалени старите прагови покрај Железничката станица во Куманово, но тогаш пожарот зафати голема површина и пожарот беше од големи размери, поради што се гаснеше цел ноќ.
(Фото: архива)
Зачленете се во нашиот клуб на читатели и најновите текстови ќе ги добивате на вашата мејл адреса
