Изложба на фотографии “Помеѓу“

Изложбата се состои од 50-тина уметнички фотографии и се реализира во соработка со ФКК “Козјак“. Историчарот на уметностa и графичкиот уметник Гунтис Швитинш е роден во 1954 година во Јелгава, Латвија. Завршил средно училиште за применета уметност во Рига на одделот Уметност на стакло ( 1971-1973 ). Дипломирал во 1983 година на Народниот Универзитетот за култура, на Факултетот за дизајн при Полиграфскиот Централен клуб во Рига со својата дипломска работа под наслов " Уметнички дизајн на" РАФ "Фабрика Галерија". Во 2003 година дипломирал на Ликовната академија на Латвија - историја на уметност и теоретски оддел. Почнал да објавува од 1984 година  публикации во Латвија и меѓународниот печат, организирал изложби на скулптури и декоративна уметност, креирал визуелен концепт и дизајн за девет виртуелни изложби за Државните Архиви на Латвија итн.

Омилени техники му се пастел, туш и компјутерска графика. Креира апстрактни композиции и таму често употребува симболи и знаци од културата и историјата. Имал самостојни изложби од 1977 година, а учествувал и во групни изложби во Летонија, Естонија, Литванија, Ерменија, Шпанија и Колумбија.

Темите застапени на неговите фотографии се природата, необичните моменти и сцени од секојдневниот живот.