Изложба на слики „Самоуки 2021“ во Куманово

09.06.2021 - 16:15

Во Изложбениот салон на Центарот за култура „Трајко Прокопиев“ – Куманово, утре во 19 часот ќе биде отворена традиционалната ликовна манифестација “Самоуки 2021“.

Изложба на слики „Самоуки 2021“ во Куманово

На отворениот конкурс којшто беше објавен во почетокот мај се пријавија дваесеттина автори со повеќе свои творби. Од стручната комисија при Центарот за учество селектираше 18 автори, коишто ќе бидат претставени со четириесеттина дела – слики, цртежи и скулптури.

Иницијативата за организирано претставување на неакадемски ликовни автори потекнува од Центарот за култура при крајот на деведесеттите години. Прва изложба од овој вид е реализирана уште во далечната 1991 година.

„Интересот за учество на оваа изложба е голем, бидејќи претставува можност за презентирање на неакадемските уметници пред пошироката публика, којашто редовно е присутна на оваа манифестација, бидејќи се работи за творештво продуцирано од самите граѓани“, соопштуваат организаторите.

Изложбата ќе биде поставена до 24.06.2021.


2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk