Зачленете се во нашиот клуб на читатели и најновите текстови ќе ги добивате на вашата мејл адреса
Измамник барал 35.000 евра од кумановец, за да го спаси зетот да не оди во затвор, затоа што прегазил мигрант. 86-годишниот старец наседнал на лагата и подготвил да даде 10.000 евра, но за среќа се јавил кај ќерката и ја откриле измамата.
Ова се случило пред три дена во Куманово, а вчера 54-годишна жена пријавила во полиција дека некој се обидел да го измами нејзиниот татко.
„Лицето се јавило на нејзиниот татко и го известило дека неговите ќерка и зет направиле сообраќајна незгода во која починал малолетник мигрант, по што од него побарале 35.000 евра за да не оди зет му во затвор. 86-годишникот прифатил да им даде 10.000 евра, а откако тргнал на договореното место за примопредавање на парите, се јавил на ќерка му, која го информирала дека немале направено сообраќајна незгода и дека лицето се обидува да го измами. Се преземаат мерки за расчистување на случајот“, - информираат од СВР Куманово.