Јанкулоска во посета на “Бос“ и населбата Средорек

Фирмите ќе добијат менаџери за промоција и кредити со 5,5 отсто камата.

    Во таа смисла во програмата “Проверено“ нудиме низа мерки за кои веруваме дека ќе му  помогнат на домашниот бизнис за отварање на нови или проширување на постоечките капацитети. Впрочем можноста од дополнителни 100 милиони евра како кредитна  линија преку Македонската банка за поддршка на развојот со субвенционирана каматна стапка од 5,5 отсто. Понатаму можностите за покривање на трошоците за менаџери , за искуство од странски компании во функција на промоција на македонските производи надвор од границите на Република Македонија - изјави Јанкулоска.

Потоа Јанкулоска се сретна со жителите на населба Средорек и побара тие во недела да гласаат за “Коалицијата за подобра Македонија“ и за претседателскиот кандидат Ѓорѓе Иванов за што вети дека ќе им овозможат подобро здравство и образование.

  - За вашата поддршка ние ќе ви возвратиме со подобро здравство за да овие дечиња што ги гледам овде можат среќно и здраво да се развиваат. Со подобро образование, со нови можности за вработување. Бидејќи без разлика колку ви ветуваат различни форми на помош, најдобрата помош е вработувањето. Тоа е нашата цел. Колку што може повеќе луѓе од вашето маало да се вработат и сами да заработуваат за егзистенција - додаде Јанкулоска.

За најзагрозените рече дека ќе помогнат со социјална помош и мерката за отпис на долгови.