Зачленете се во нашиот клуб на читатели и најновите текстови ќе ги добивате на вашата мејл адреса
Зајакнување на капацитетите на родовите политики и одговорно буџетирање е темата на Форумот на градоначалнички во Југоисточна Европа, што се одржува во Сомбор, Србија, а на кој учествува градоначалничката на Старо Нагоричане, Жаклина Јовановскa.
„Целите на форумот се градење коалиција за родовите политики и родово одговорно буџетирање. Да се потикнат можностите за вмрежување и зајакнување на соработката и синергијата помеѓу жените градоначалнички во Југоисточна Европа и жени претседателки на општинските совети. Од форумот треба да произлезе регионална препорака за родовото одговорно буџетирање на локално ниво во Југоисточна Европа“, - изјави Јовановска.
Форумот трае три дена, а на работилниците претставничките на локалните самоуправи размениле искуства и позитивни практики во нивното работење.
Покрај Јовановска, на форумот учествуваaт и градоначалничката на Македонска Каменица, Соња Стаменковска и претседателката на Советот на Општина Аеродром Ивана Цветковска, како единствени претставнички на локалната власт од Македонија.