Зачленете се во нашиот клуб на читатели и најновите текстови ќе ги добивате на вашата мејл адреса
Претставници од државната и локална администрација, како и невладиниот сектор денеска присуствуваа на обука за спроведување на Законот за спречување на дискриминација. Семинарот на тема „Заедно против дискриминација„, има за цел да ги даде насоките и основните правци за целосно и успешно справување со дискриминацијата.
Локалната самоуправа и комисијата за еднакви можности на мажите и жените, досега нема спроведено испитување каква е состојбата со дискриминацијата во нашата средина, но познато е дека е присутна.Претставките најчесто се поднесуваат до полицијата и до народниот правобранител, но сеуште кај народот не се докрај познати формите на дискриминација и не можат да ги прпознаат. Затоа ние на ова предавање треба да ги обучиме луѓето кои директно се вклучени во спроведување на законот да им помогнат на жртвите во остварување на нивните права, а тоа се токму овие три субјекта, кои што треба да го спроведат законот - изјави Цоки Ристевски координатор на комисијата еднакви можности на жените и мажите, при Oпштината Куманово.
Досегашните искуства покажале дека граѓаните најчесто се дискриминирани при остварување на работен однос, распишување на оглас за вработување, односот меѓу вработените, како и во однос на човековите права на малцинските групи.
Прeдавањето го водеа Цоки Ристевски координатор комисијата на еднакви можности на жените и мажите, и Лидија Илиевска, претседател на невладината организација Мајка.
На предавањето присуствуваа претставници од полицијата , судот, народниот правобранител, основните и средни училишта и невладиниот сектор.
Семинарот го организира од Министерството за труд и социјална политика во соработка со локалната самоуправа и британскиот совет.
Зачленете се во нашиот клуб на читатели и најновите текстови ќе ги добивате на вашата мејл адреса
