Зачленете се во нашиот клуб на читатели и најновите текстови ќе ги добивате на вашата мејл адреса
Основниот суд во Куманово прогласи за виновни четворица кумановци, и ги казни со 10.000 евра, затоа што не ги почитувале здравствени прописи за време на епидемија. Двајца од нив се казнети со по 123 илјади денари, а другите двајца со казни по 184.500 илјади денари.
- Врз основа на поднесените предлози за издавање на казнен налог, од страна на ОЈО Куманово, за сторени кривични дела Непостапување според здравствени прописи за време на епидемија од чл.206 ст.1 од КЗ, Основиот суд Куманово, вчера, донесе четири пресуди, со кои четири лица се огласени за виновни за наведеното кривично дело, две лица се осудени на парична казна од по 100 дневни глоби, во вкупна денарска противвредност од по 123.000,00 денари, а две лица се осудени на парична казна од по 100 дневни глоби, во вкупна денарска противврденост од по 184.500,00 денари, - соопштуваат од Судот.
Наведените кривични дела обвинетите ги сториле на тој начин што еден од обвинетите лица, за време на пандемија, како епидемија од глобални размери, со одлука на СЗО, иако при влез во РСМ, од високоризична, потпишал писмена изјава за задолжителна самоизолација, на ден 20.3.2020 година, при извршена контрола од страна на службени лица на МВР-СВР Куманово, не бил затекнат во неговиот дом, каде што требало да ја спроведува самоизолацијата. Второто обвинето лице, во исти околности, постапило спротивно на Одлуката на Владата од 14.03.2020 година и на ден на 18.03.2020 година, при контрола од службени лица на ДПИ и МВР СВР Куманово, било затекнато како во својот угостителски објект послужува гост. Третото и четвртото обвинето лице, во истите околности, постапиле спротивно на Одлуката на Владата на РСМ од 21.03.2020 година, на начин што, не ја почитувале забраната за движење на населението, во периодот од 21 часот до 6 часот.
Зачленете се во нашиот клуб на читатели и најновите текстови ќе ги добивате на вашата мејл адреса
