Зачленете се во нашиот клуб на читатели и најновите текстови ќе ги добивате на вашата мејл адреса
Во месец март ќе се организира Меморијален турнир во чест на кумановската ракометарка Јасмина Голубовиќ, која била популарна и остварила успешни резултати во женскиот ракометен спорт во Куманово, во 60-тите години од минатиот век.
Иницијативата за турнирот ја покрена Здружението на ЖРК Куманово-активни ветеранки, која беше поддржана од Општина Куманово.
„Нејзината умешност како белег на женскиот ракомет во Куманово, остави значајни резултати. Поттикнати од нејзините заслуги за успесите на овој клуб, сите ветеранки ќе излеземе на терен и сакаме да му оставиме на овој град турнир на ветеранки“, истакнаа од Здружението на ЖРК Куманово-активни ветеранки.
Турнирот ќе биде реализиран на реконструираното спортско игралиште во Соколана. На ревијалниот натпревар на ветеранки на ЖРК, ќе учествуваат ракометарки од повеќе генерации на клубот.
Градоначалникот Димитриевски истакна дека ова е вистински начин да се сочува споменот, трудот и придонесот на заслужните спортисти, како пример за идните генерации кои имаат намера активно да се вклучат во спортскиот живот.
Јасмина Голубовиќ била извонредна ракометарка, која починала млада. Таа оставила значајни успеси и дала голем придонес за женскиот ракомет во Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
