Книжевна вечер со Румена Бужаровска

Модератор на вечерта ќе биде Ирена Цветковиќ, а музички гостин Јован Цветковиќ.

Бужаровска е писателка, професорка, преведувачка од англиски на македонски и предава американска книжевност и преведување на Филолошкиот факултет во Скопје.

Бужаровска има објавено четири збирки раскази: „Чкртки“, „Осмица“ , „Мојот маж“  и „Не одам никаде“  како и студија за хуморот во книжевноста „За смешното: теориите на хуморот низ призмата на расказот“ . Расказите ѝ се објавени во превод на англиски, хрватски, украински, српски и германски јазик.

Во изминативе две години заедно со Ана Василева и Тиииит! Инк. го води ПичПрич - омилената скопска гала вечер на раскажување (женски) приказни.