“Кочо Рацин“ ќе соработува со училиште од Анталија

Соработката ќе се одвива виртуелно, а во април се планира ученици и професори од “Коцо Рацин“ да го посетат тамошното училиште.

“На 23 април кај нив се одбележува Денот на таткото и се надевам дека наши ученици и професори ќе заминат за Турција. При едно мое патување во Анталија, во една работна група запознав колеги од училиштето и разговаравме за соработка. Откако станав директорка решив тоа да го реализираме. Тие се училиште каде се изведува настава на турски и англиски јазик, имаат голем број на ученици и се заинтересирани за соработка“ - рече Лидија Пешевска, директорка на “Кочо Рацин“.

Пешевска вели дека нивна цел е да ја развиваат соработката, да учествуваат на меѓународни натпревари и да се промовираат во и надвор од државата.