Зачленете се во нашиот клуб на читатели и најновите текстови ќе ги добивате на вашата мејл адреса
Во фоајето на Центарот за култура во Куманово утревечер во 19.30 часот ќе се одржи концерт на солисти од Националната опера и балет (НОБ), насловен како „Подарок за градот Куманово“.
Настапуваат Нада Талевска Спасовска-сопран, Сандра Митровска-сопран, Елена Голомеова-сопран, Соња Пандовска Мадевска-мецосопран, Ирена Кавкалевска-мецосопран, Ристе Велков-баритон. Точките ќе се изведуваат со пијано придружба на Елена Сиљаноска.
Ќе се изведуваат дела на Ѓузепе Верди, Жорж Бизе, Доницети, Масне, К.Сен-Санс, Пучини, Делиб и Маскањи. Ќе бидат изведени повеќе од 10 арии од познати и популарни опери: Сицилијански вечери,Кармен, Ќерката на полкот, Риголето, Манон, Самсон и Далила, Турандот, Кавалерија Рустикана.
Влезот е слободен за сите заинтересирани.
Зачленете се во нашиот клуб на читатели и најновите текстови ќе ги добивате на вашата мејл адреса
