Единаесетгодишниот Давид Јовановиќ селектиран во младинскиот тим на ОФК Белград

Неговите настапи ги забележале тренерите и претставниците на клубот за време на фудбалскиот камп „Спортстарс – Србија те зове“, кој се одржува секоја година во Белград. По пробните тренинзи и контролните натпревари, Давид добил официјална покана да ѝ се приклучи на генерацијата фудбалери родени во 2015 година и да го носи дресот на сино-белите „Романтичари“ од Карабурма.

Покрај обврските во својот матичен клуб, Давид сега еднаш месечно тренира и со своите врсници во фудбалската академија на ОФК Белград . Во изминатите два месеца, тој забележал успешни настапи на вкупно десет официјални натпревари на два меѓународни турнира – престижниот „Ника куп 2026“ во Белград и „Кервер куп“ во Нови Пазар.

Давид има 11 години и е ученик во шесто одделение во ООУ „Крсте Мисирков“ во Куманово. Тој е активен член на ФК „Биџо“ – Куманово, каде што веќе четири години игра на позицијата напаѓач. Досега има постигнато бројни успеси на домашни и меѓународни натпревари.

Покрај настапите за младинските категории на ОФК Белград, Давид учествувал и на повеќе фудбалски кампови, меѓу кои и на кампот на ФК „Барселона“ во Скопје, каде што добил специјално признание, како и на фудбалскиот камп на ФК „Реал Бетис“ од Севиља и на други кампови.