Куманово има 83 заедници на сопственици

Инспекторот за домување во Општина Куманово, Селами Ајрулау вели дека рокот за регистрација е продолжен, делуваат едукативно, ги известуваат граѓаните во станбените згради дека мора да регистрираат заедница на сопственици за да не се соочат со парични казни од по 300 евра.

Разликата е што во куќниот совет парите се земаа на рака, се плаќаше во кеш. Сега тоа ќе биде регуларно на жиро сметка ќе се вршат сите исплати. Ќе има регуларен фонд во кој ќе се планираат пари секој месец за исплата на хигиеничарка, оддржување на лифт, комунални трошоци, за управител,  благајник и друго. Резерниот фонд ќе служи за поголем обем на интервенции како замена на врати, работа на покрив, фасада и слично. Висината на регуларниот фонд ја одредуваат самите станари колку ќе плаќаат за тие трошоци месечно. Резервниот фонд си има коефициент кој е даден од Регулаторната комисија за домување. Управителот за работата која ја врши ќе зема плата, исто и благајникот - вели Ајрулау.

Новиот начин на работа ќе значи поголема контрола за трошењето на парите во заедницата на сопственици.