Куманово има добар меѓународен кредитен рејтинг

Куманово се здоби со В1 кредитен рејтинг, кој покажува дека општината е стабилна и гарантира дека во наредниот период ќе стане важен индустриски и локален трговски центар, како и дестинација за странски директни инвестиции- смета Валентина Алексовска.  

Алексовска појаснува дека со добивањето кредитен рејтинг општината се легитимира пред сите меѓународни финансиски институции за полесно остварување на контакт со светсите финасиски институции и побрзо препознавање надвор од границите на државата.

Во носењето на кредитната оценка, најголемо влијание има т.н. оперативната средина или институционална поставеност во една држава, нејзиниот вкупен економски развој, БДП што го остварува.

На скалата до 21, Куманово се наоѓа на 14 место. 12 поени доби за сопствената финансиска можност, а само 2 поени за подршката од централната власт  што не е случај со другите општини на кои им е наклонета државата. Да имавме поголема подршка од централната власт, рејтингот ќе беше уште подобар - објаснува Алексовска.

Меѓународен кредитен рејтинг на општина е извршен преку Меѓународната агенција за кредитен рејтинг Мoody's Investor Services, Македонски центар за финансиска обука и проектот на УСАИД за локална самоуправа.