Куманово одбележа 76 години од ослободувањето од фашистичкиот окупатор

Чествувањето продолжи на Свечената седница во Центарот за култура.

 Ако во далечната 1944 година херои беа борците на НОБ, оние кои ја донесоа среќата на лицата на граѓаните на Куманово, денес херои се здравствените работници, кои неизмерно и со голема количина на посветеност,  професионалност ја извршуваат работата помагајќи на заболените од Ковид. Тие во оваа битка го носат најтешкиот товар на своите плеќи, тие се хероите во кои сега сите гледаме надеж. Но, херои се и пожарникарите, полициските и армиските припадници, работниците од комуналните претпријатија, просветните работници, вработените во супермаркетите, херои сме сите ние кои покажуваме одговорност во овие тешки моменти, рече градоначалникот Максим Димитриевски.

 На свеченоста беше врачена наградата „11 Ноември“ за посебни достигнувања на годинешниве добитници: Јадранка Стаменковска – лекар специјалист, епидемиолог, раководител на Одделението за епидемиолошка дејност при Центарот за јавно здравје Куманово и член на Штабот за заштита и спасување на Општина Куманово,  Александар Трифуновски – лекар, специјалист, хирург урoлог вработен во Универзитетската клиника за урологија Скопје, Али Далипи – лекар специјалист, офтамолог, началник на Одделот за очни болести при Општа болница Куманово, Азис Бајрами – лекар специјалист инфектолог, вработен на Инфективното одделение при Општа болница.

Од правните лица добитници на Ноемвриска награда се Општа болница Куманово и Телевизија Плус.

Градоначалникот Димитриевки додели благодарница на Здравствен дом Куманово, Слободан Ковачевски, Петар  Николовски и Фериз Дервиши.