„Куманово во срцето“ - литературна работилница со Венко Андоновски во Куманово

 На работилницата учествуваа 88 ученици и 35 ментори од општинските основни и средни училишта со настава на македонски јазик.

„Ја не дојдов овде за да ве научам како се пишува, нема шанси никој да ве научи. Не е дека нема теории за книжевност, ама за да се напише книга мора да постои потреба. Тоа никогаш не доаѓа од исполнетост, затоа што пишувањето почнува од празнина и некој недостиг. Празнината во душата е најсилниот експлозив, што подоцна го бара јазикот за да се изрази во некаква форма на уметничко дело“, се обрати до присутните Андоновски.

Цел на ова работилница е поттикнување на литературната креативност кај талентираните ученици и негување на љубовта кон родниот град по повод 505 годишнината од неговото постоење, како и подигање на локалната свест и заедничка грижа и афирмирање на мајчиниот јазик преку литературно творење.

Најуспешните творби ќе ги оценува Андоновски, за една недела ќе бидат прогласени победниците на работилницата.  Натпреварот се одржува во четири категории- ученици од седмо одделение, ученици од 8 и 9 одделение, средношколци од прва и втора година и ученици во трета и четвртта година во средните училишта во Куманово.

Манифестацијата е во рамките на Програмата за култура на Општина Куманово, која доби 15.000 денари од локалниот буџет.