Зачленете се во нашиот клуб на читатели и најновите текстови ќе ги добивате на вашата мејл адреса
Активисти од здружението “Кумановски акцијаши“ заедно со нивните колеги од Скопје, советниците од Советот на општина Куманово и вработени во “Чистота и зеленило“ вчера го исчистија локалитетот Менкова колиба.
“Кумановски акцијаши“ и за наредната година планираат низа активности за расчистување и разубавување на просторот околу културно - историските споменици.
„Ова беше прва фаза, а на пролет ќе се реализира втората фаза која подразбира унапредување и разеленување на локалитетот Менкова колиба. Потоа на ред ќе биде Спомен костурница со просторот околу, како и другите спомен обележја и излетнички места кои се од поширок интерес. На стартот на пролетта ќе ја уредиме месна заедница Бедиње, ќе има активности по должина на кејот“ - изјави Јусуф Љатифи, претседател на „Кумановски акцијаши“.
Здружението ќе се вклучи и во традиционалните акции за пошумување.
Зачленете се во нашиот клуб на читатели и најновите текстови ќе ги добивате на вашата мејл адреса
