Кумановските средношколци полагаат државна матура

Полагањето мајчин јазик започна во 10 часот, и се се одвива во најдобар ред. Во Гимназијата “Гоце Делчев“ државна матура полагаат 295 ученици.

“Почнавме навреме, се е подготвено, материјалите се поделени и се надеваме дека ќе заврши се како што треба“ - вели Горан Димитријевиќ, директор во “Гоце Делчев“.

Од “Перо Наков“ велат дека денеска кај нив полагаат 120 ученици од македонски, и исто толку од албански наставен јазик.

“Се е во ред. Тестовите се навреме доставени, почнавме навреме со полагањето, тестаторите се тука“ - вели Лидија Тасевска, директорка на “Перо Наков“.

Во Земјоделското училиште “Киро Бурназ“ државна матура полагаат 17 ученици , а во Техничкото “Наце Буѓони“ полагаат 114 на македонски и 215 на албански јазик.

Од денеска до 19 јуни ќе се реализираат екстерните испити од државната матура во учебната 2014/2015 година. На 15 јуни ќе се полага странски јазик, а на 17 јуни ќе се полага математика.