Зачленете се во нашиот клуб на читатели и најновите текстови ќе ги добивате на вашата мејл адреса
Откако минатата недела се прошири информација дека платите на медицинските сестри ќе се намалат за сметка на лекарите, тие велат дека се работи за шпекулација и тврдат дека нивното барање за зголемување на платите се однесува на целокупниот медицински персонал.
Имаше изјава дека 15 бода ќе им се намалат на медицинските сестри. Ние на такво нешто не сме спремни, ниту такво нешто бараме. Намерата е со таа дезинформација да се создаде револт меѓу медицинските работници. Адекватно со колективните договори бараме зголемување на платите на сите здравствени работници. Пациентите да не се третираат како бројки, како предмети, бидејќи сите ние сме потенцијални пациенти. Се случува 23 часа да бидеме на работа, но дали тој труд и стрес некој го вреднува? Бараме да бидеме изедначени со другите кадри кои вршат јавна фунција, а земаат плата од 1000 евра. Ако нема пари во државата нека се намалат нивните примања и ќе бидеме еднакви - вели Билјана Анастасовска, претседател на штрајкувачки одбор.
Таа додава дека 17 граѓански здруженија досега го поддржале штрајкот на лекарите.
Зачленете се во нашиот клуб на читатели и најновите текстови ќе ги добивате на вашата мејл адреса
