Лидија Трајковска е нов раководител на Сектор за инспекциски надзор во Куманово

„Во мојата 16 годишна работа како инспектор имам позитивно искуство со граѓаните, и натаму ќе продолжам со истиот начин на работа, со разговор да изнајдеме решение и да одговориме на нивните барања. Како сектор секогаш ќе бидеме тука за се што е потребно во делокругот на нашето работење. Нашата служби е во интерес на граѓаните, да ги решаваме проблемите кои се појавуваат и да ги подобриме условите за живот во градот. Немаме намера да казнуваме, секогаш одиме првин советодавно, да ги информираме странките за тоа што се наши надлежности и обврски, но какви права и одговорност имаат и граѓаните“,  истакнува Трајковска.

Таа уште нема прецизни согледувања дали ќе биде потрена доекипираност на инспекциските служби, но ако се појави потреба ќе достави барање за ангажирање на нов, млад стручен кадар.

Трајковска 18 години работела како проектант во „Козјак“, ги има сите потребни лиценци од областа на градежништвото и тоа „А“ категорија за проектирање, за ревизија и за надзор. Во урбанистичко-градежната дејност има најголемо искуство. Но, како 16 годишен инспектор извршувала должност како урбанистички, градежен и комунален инспектор.

Секторот за инспекциски надзор во изминатите 5 години немаше раководител на сектор, па до минатата година таа должност со овластување ја извршуваше раководителот на Одделението за инспекциски надзор, Бобан Бојковски.