Зачленете се во нашиот клуб на читатели и најновите текстови ќе ги добивате на вашата мејл адреса
Во големата сала на Центарот за култура „Трајко Прокопиев“ – Куманово, утре со почеток во 19 часот, ќе се одржи второто издание на Меѓународен фестивал на кратoк филм „Филмај 2020“, во организација на Фото-кино клуб „Козјак“ – Куманово.
На фестивалската вечер ќе бидат прикажани наградените и други одбрани кратки филмови во траење од 100 минути. На овогодишниот конкурс пристигнаа 2.017 пријавени филма од 111 држави.
Стручното жири одлучи годинава да ги награди: Joey Paras за филмот „Fetch“ (Филипини) со наградата „Лазар Ѓорѓевиќ“ за најдобра режија, Tim Kuhn со „Jupiter“ (Германија) ја доби наградата „Радислав Ристевски“ за најдобра фотографија/кинематографија, наградата „Козјак“ за најдобра приказна/сценарио отиде кај Guy Nattiv и Sharon Maymon за aвторство на `Skin` (САД) и Георги М. Унковски за филмот „Налепница“ ја доби посебната награда за македонски филм, - информираат организаторите.
Трочленото жири е во состав: Ана Јакимска (филмски режисер и сценарист), Златко Ѓелески (писател и културен критичар), и Глигор Максимовски (фотограф и член на фото-кино клуб `Козјак` - Куманово).
Манифестацијата ќе се одржи според сите протоколи, а во салата ќе присуствува само 110 посетители кои претходно ќе обезбедат билет.