Министерот Тупанчески во посета на затворот Кшање, Основeн суд и ОЈО Куманово

За време на посетата во затворот Куманово, Тупанчески беше информиран од директорот Ненад Цветковиќ за состојбата во оваа казнено поправна установа, условите на издржување затворска казна, проблемите со кои се соочуваат вработените.

Станува збор за установа од полуотворен вид со капацитет од 250 лица во чии рамки функционира и отвореното одделение во Крива Паланка. 

Министерот Тупанчески се сретна и со претседателот на Основниот суд Куманово, Снежана Манев а го посети и ОЈО каде разговараше со Основниот јавен обвинител Теута Бедиу Рамадани.

„На средбите министерот беше информиран за состојбите во овие институции а на вработените им беше порачано дека Министерството за правда преку реформите во судството се грижи за унапредување на нивните права . Доказ за тоа е сетот од 4 закони кои Владата неодамна ги усвои а со кои се зголемуваат платите за 15%“, соопштуваат од Министерството за правда.