Министерството за економија со кампања за енергетска ефикасност

Таа денеска беше презентирана во Куманово. Целта е, низ обуки и јавни дебати да се оствари натамошна операционализација на законската регулатива во доменот на енергетската ефикасност и јакнење на свеста за нејзиното значење.

Освен обуки за софтверската алатка ExCITE и за новиот образец за изработка на тригодишни програми за енергетска ефикасност, активностите на кампањата опфаќаат и организирање на јавни дебати во плански региони на актуелни теми за енергетската ефикасност како релевантен ресурс - кажаа од Министерството за економија.

За изворите за финансирање на мерки и проекти за енергетската ефикасност изработен е двојазичен водич, а за придобивките од вградување на системи за следење и управување со потрошувачката на енергија во јавните и деловните објекти и краток филм. Тие ќе бидат претставени пред учесниците на дебатите.