05. 12. 2019 16:42

Млади музичари од Крива Паланка најдобри на фестивалот „Утринска ѕвезда“ во Банско

Млади музичари од Крива Паланка најдобри на фестивалот „Утринска ѕвезда“ во Банско

Учениците од Основното училиште „Јоаким Крчовски“од Крива Паланка, освоија прва награда на  Меѓународен фестивал на уметноста „Утринска ѕвезда“, што се одржа викендов во Банско, Република Бугарија.

Вкупно четириесет ученици од трето до деветто одделение беа учесници на овој престижен фестивал на уметноста, предводени од нивните ментори професорите Лариса Жулина-Митовски,  Александар Тренчовски, Марија Смиљков и Дејан Ангеловски.

Градоначалникот на Крива Паланка, Борјанчо Мицевски изрази големо задоволство за успехот на младите музичари, нивните ментори и родители.

„Многубројните ваши успеси награди и највисоки признанија на меѓународен план, ни зборуваат за една одлична стратегија, начин и план за заедничката соработка и поддршка од општината. Креативниот тим на менторите и заедничкиот вложен труд и огромниот талент на учениците,  како и поддршката од  училиштето и Општината, дадоа одлични резултати со кој сите заеднички се горееме и радуваме“, - изјави Мицевски.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk