Мургашанска со честитка до здравствените работници: Тоа што вие го правите е херојско дело и подвиг

 Честитајќи им го празникот во свое лично име и во име на членовите на Советот на Општина Куманово, таа се заблагодари за нивната посветеност и пожртвуваност во борбата со невидливиот непријател, и им порача дека тоа што тие го прават за своите пациенти нема цена. При тоа им посака многу здравје и да имаат што помалку работа во наредниот период.

 „На сите доктори, медицински сестри и помошен персонал сакам да ви изразам голема благодарност, затоа што тоа што вие го правите е херојско дело и херојски подвиг. Таа услуга, таа грижа, тој топол збор, таа нега и утеха, тоа што вие ни го пружате како пациенти не се купува со пари. Како лекари вие сте чувари на нашето здравје и на нашите животи, а особено сега во време на пандемија вие покажавте што значи Хипократова заклетва и што значи да сте во служба на граѓаните. Во последнава година жртвувате се друго само за да им помогнете на пациентите. Денеска дојдов во името на членовите на Советот, а пред се како невладин активист и хуманист да ви изразам голема благодарност, и да искажам посебна почит кон сите здравствени работници, а особено на најистурените кои се вработените на Инфективното одделение“, кажа Мургашанска.

Вработените се заблагодарија на донацијата и ветија дека таа ќе ги потсетува во времето кога по напорната работа ќе фатат малку време за одмор и пауза.

(С.Н.)