На Куманово му недостасуваат пет медицински екипи за брза помош

Иако бројот на жители се намалува според последниот попис, со поголема динамика се намалуваат и бројот на потребните медицински екипи на терен.

Уредбата за мрежата на итна медицинска помош утврдува дека секој здравствен дом кој опфаќа до 30.000 жители треба да има најмалку 5 тимови за итна медицинска помош и уште по еден на секои дополнителни 10 илјади жители.

„Пет тимови недостигаат во Куманово, а секој тим покрива близу 31 илјади жители дневно.Во градот има еден вработен на повеќе од три илјади жители“, стои во анализата.

Во Крива Паланка покриеноста на еден тим е 5,4 илјади жители, додека во Кратово значително помалку 3,8 илјади жители дневно.

Во интервенции спаѓаат не само оние на итната медицинска помош, туку и на домашната посета и интервенции во дежурната служба.

Ниту еден здравствен центар во државата нема евиденција колку вкупно телефонски повици добива со барање за итна помош. Се знае само на колку повици одат. Оттука, не може да се дојде до можеби клучната бројка – на колку од повиците со барање за брза помош всушност доаѓа екипа.

Според анализата во Скопје, Тетово и во Куманово има најголем недостиг од кадар за итна медицинска помош.