На Скопскиот аеродром фатен кумановец со лажен ПЦР тест, му го набавил пријател за 30 евра

22.02.2021 - 14:27

Кумановец со престој во Швајцарија е фатен на граничен премин на Скопскиот аеродром со лажен ПЦР тест.

На Скопскиот аеродром фатен кумановец со лажен ПЦР тест, му го набавил пријател за 30 евра

Покрај кумановецот, за истата измама откриени се уште три лица кои патувале за Швајцарија.

„На 21.02.2021 во 19.20 часот на Граничниот премин „Меѓународен аеродром“-Скопје, полициски службеници ги привеле С.С.(38) од Куманово, со место на живеење во Швајцарија, Е.Џ.(43) од Босна и Херцеговина, со место на живеење во Швајцарија, М.Р.(59) од Швајцарија и П.С.(45) од Швајцарија, поради постоење основи на сомнение дека приложиле лажни негативни ПЦР тестови“, - информира МВР.

Извршен бил разговор со нив и било утврдено дека тестовите им ги набавил нивен пријател по цена од 30 евра по тест. Лицата биле задржани за понатамошна постапка.


2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk