На вонредно собрание Зоран Илиевски избран за претседател на КУД „Панче Пешев“ во Куманово

„Подолг период друштвото не функционираше како што треба и баравме одржување на редовно собрание за што претходниот претседател и писмено беше известен, но тој го игнорираше нашето барање. Инаку Крстевски за претеседател е изберен пред 34 година, а последното редовно собрание е одржано во 2011, а задолжително е секоја година. Неговиот четиригодишен мандат е завршен во 2015 година, со што неговата функција е нелегитимна“, истакнува новиот претседател Илиевски, кој е поранешен играорец.

Истовремено на собранието се изберени и нови тела на друштвото. Според статутот на друштвото членовите имаат право да свикаат вонредно собрание без присуство на претседателството, и да изберат претседател со мнозинство од членовите.

Новиот претседател најавува дека по неколку месечна пауза од понеделник ќе продожат со редовните активности, проби, уписи на нови членови и подготовки на групите и оркестрите за настапи и концерти.

Од друга страна, досегашниот претседател Мирослав Крстевски изборот на новото раководство го смета за незаконски упад во работењето на друштвото . Тој вели дека последните месеци имало опструкции од одредени членови и родители со политичка заднина.