Зачленете се во нашиот клуб на читатели и најновите текстови ќе ги добивате на вашата мејл адреса
Во просек околу 28 илјади метри кубни вода се троши дневно изминатиот месец во Куманово. Поради високите температури потрошувачката на вода е зголемена од 30 до 50 отсто, затоа што се користи за полевање на тревници и бавчи.
„Просечната потрошувачка е од 320 до 340 литри во секунда, а на моменти достигнува и до 400 л/с. Најголемата потрошувачка е вообичаено во попладневните часови. Апелираме до граѓаните рационално да ја трошат водата и преработената вода да не се користи како техничка“ велат од ЈП „Водовод“.
Од ЈП Водостопанство “Кумановско-липковско поле“, изјавија дека има доволни количина на вода во акумулационите езера и ќе нема проблеми во водоснабдувањето.
„Во двете брани Липково и Глажња има 19. милиони кубни метри вода, само за споредба минатата година ја започнавме со толкава количина на вода, а сега сме на средина на лето. Има доволни количини на вода и за пиење и за полевање, така да граѓаните немаат потреба од грижи“, велат од Водостопанство.
Метеоролозите најавуваат дека високите температури ќе траат до петок, а за викенд и наредната недела не очекува мало заладување.
„До петок ќе преовладува сончево и многу топло време, а кон крајот на денот ќе има изолирана појава на краткотраен дожд. За време на викендот и во почетокот на идната седмица ќе преовладува променливо облачно и нестабилно време со локален пороен дожд и грмежи. Температурата од петок ќе биде во постепено опаѓање“, соопштува УХМР
Зачленете се во нашиот клуб на читатели и најновите текстови ќе ги добивате на вашата мејл адреса
