Зачленете се во нашиот клуб на читатели и најновите текстови ќе ги добивате на вашата мејл адреса
Завршната манифестација од Месецот на книгата денеска ќе се оддржи во ОУ “11 Октомври“ при што награди ќе им бидат доделени на учениците со најдобри литературни творби и цртежи.
На манифестацијата ќе бидат наградени и најдобрите библиотекари од Општина Куманово.
На оддржаниот конкурс кој го распиша библиотеката “Тане Георгиевски“ по повод Месецот на книгата за 2013 година, на тема “Книгата што ја држам во рацете“ пристигнаа 135 литературни творби, од кои 86 прозни и 49 песни и 56 ликовни творби - изјави Нада Ивановска, директорка на библиотеката.
Во конкуренција на средни училишта за проза првонаградена е Ана Младеновска, ученичка во 2 година во Гимназија “Гоце Делчев“.
За најдобра песна прва награда добива Стефан Бранковски, ученик во 2 година во Гимназија “Гоце Делчев“.
Од основните училишта, за прозна творба прва награда добива Георгина Јовановска, седмооделенка во ОУ“Крсте Мисирков“.
Прва награда за песна зема Ања Алексовска, ученика во седмо одделение во ОУ“Христијан Карпош“.
За најдобар цртеж во категорија на средни училишта, прва награда добива Кристијан Стојчевски, ученик во 1 година во “Наце Буѓони“.
Од основците првонаградена за најдобра цртеж е Ана Љубиќ, осмооделенка во ОУ“Карпош“ од с.Умин Дол.
Најуспешните ученици ќе бидат наградени со книги, дипломи, пофалници.
Зачленете се во нашиот клуб на читатели и најновите текстови ќе ги добивате на вашата мејл адреса
