Намалена побарувачката на станови во Куманово

Во градот има двојно повеќе станови од граѓани кои сериозно планираат да купат стан иако цената е пониска од предходните години. Најголем дел од купувачите се повратници од Авганистан и луѓе кои продале куќи во населбите, а мал дел од граѓаните подигаат кредит за да купат стан. Најбарани се становите во центар од 60 до 70 квадрати, помали со 40 квадрати и оние од 90 квадрати. Просечната цена за квадрат се движи од 550 до 650 евра.

Цената е падната во однос на минатата година за 5 до 10 отсто. Причина е големата конкуренција, односно има многу повеќе станови отколку што има побарувачка и понатаму се намалува побарувачката за станови. Ограничен е бројот на купувачи. Во градот има околу 150 станови кои се нудат на продажба а само седумдесетина купувачи - вели Виктор Величковски, директор на агенција за недвижности “Премиум - лукс“.

Инвеститорите и луѓето од агенциите кои работат со продажба на недвижнини  кажуваат дека во Куманово има хиперпродукција на станови, а продажбата ќе опаѓа бидејќи кум новци завршуваат со печалбата во Авганистан.