Зачленете се во нашиот клуб на читатели и најновите текстови ќе ги добивате на вашата мејл адреса
Тимови од Национален конзерваторски центар во март ќе започнат со истражувања на црквата Свети Ѓорѓи во Старо Нагоричане, по што ќе бидат изработени проектни програми за заштита и реконструкција на овој верски објект.
Ќе се мери влагата внатре, ќе се евидентираат оштетувањата на архитектурата, живописот, покривот, ќе се истражат темелите. Конзераторските истражувања се вршат за да се добијат резултати по што ќе биде изготвена проектна програма и неа треба комисија да ја одобри. Управата за заштита на културното наследство ќе треба да даде одобрение како што се прави за секој споменик на културата. Конзерваторско - реставраторски интервенции на терен најверојатно ќе почнат во август - вели Цветанка Хаџипецова, координатор на проектот.
Проектот за реставрација на Свети Ѓорѓи, изградба на плоштад, реновирање на испосницата на Прохор Пчински, изградба на етнолошки музеј во старото училиште во Старо Нагоричане ќе се реализира со 1,4 милиони евра, пари од европски фондови и од Министерството за култура.
Зачленете се во нашиот клуб на читатели и најновите текстови ќе ги добивате на вашата мејл адреса
